Kampionati më i fortë i futbollit në planet, është në rrugën e duhur për rinisjen e sezonit. tani skuadrat ishullore mund të stërviten si përpara pandemisë, me përplasje pa u kursyer dhe kontakte të ngushta mes lojtarëve. Të gjitha klubet ranë dakord për një pikë që kishte ngadalësuar rikuperimin e paralajmëruar nga Kryeministri Boris Johnson, duke pasur parasysh shqetësimet që lidhen me rastet e reja të lojtarëve pozitiv.
Tani FA dhe skuadrat elitare shohin me optimizëm datën e mundshme të rifillimit të futbollit. Ka të ngjarë që një fundjavë e zgjedhur të jetë ajo e 20 qershorit për të cilën ka më shumë vota në favor
Njoftimi për shtyp i Ligës së Futbollit në Angli, gjithmonë imponon kujdes…
“Të minimizohen kontaktet e ngushta dhe të panevojshme. Prioriteti mbetet shëndeti dhe mirëqenia e të gjithë pjesëmarrësve duke përfshirë lojtarët dhe stafin. Protokollet mjekësore të rrepta janë krijuar për të siguruar që facilitetet e stërvitjes dhe fushat janë mjedisi më i sigurt i mundshëm dhe që lojtarët dhe stafi të vazhdojnë të testohen për Covid-19 dy herë në javë”.
Kjo shihet dhe si një hap përpara krahasuar me frikën e madhe që kanë shfaqur së fundmi lojtarë të njohur si Sergio Aguero apo Ngolo Kante’ për tiu rikthyer futbollit, për shkak të pasigurisë nga coronavirus.
