Vjedhja e votës është thembra e Akilit për një process zgjedhor në Shqipëri. Por si do shmanget dhe sa siguri ka PD në këtë process? Oerd Bylykbashi në emisionin HARD TALK NGA ROLAND QAFOKU në Grupin Mediatik “FJALA” ka shpjeguar se si do funksionojë votimi biometrik.
-Na shpjegoni si do funksionojë votimi elektronik?
-Shumë thjesht, paisja është shumë e thjeshtë. Sot është në përdorim tepër të gjerë dhe është e zbatueshme.
-Sa kushton?
-Nuk e dimë ende por duhet të kemi parasysh që është një paisje që përdoret për shumë palë zgjedhje. Kjo është pjesa e identifimit biometrik.
-Si bëhet konkretisht?
-Zgjedhësi vjen në qendrën e votimit me kartën e identitetit ose me pasaportën biometrike. Karta kalon si në kufi, te policia, të nxjerr në ekran, e sheh komisioni jo vetëm emrin por edhe fotografinë e zgjedhësit. Kjo kartë aktivizon të dhënat ekzistuese dhe në vend të firmës, zgjedhësi vendos gjurmën e gishtit. Nëse dikush guxon të vendosë gjurmën e gishtit dy herë, nuk e lejon makineria. Kjo zgjidh votimin në emër të personave që janë aty. Votimi elektorin prodhon dhe numërimin e menjëhershëm./Fjala/k.b
https://www.youtube.com/watch?v=Rlj6EUUccSo
