Filozofi Përparim Kabo ka reaguar në lidhje me mos finalizimin e Reformës Zgjedhore më 31 maj.
Përmes një postimi në “Facebook” ai shprehet se në të vërtetë qëllimi i vërtetë i mbledhjes së tyre nuk ishte vendosja për Reformën Zgjedhore, por ishte një debat për qeverisjen neutrale 100 ditë para zgjedhjeve dhe administrimi i votës.
“31 maji kaloi…Kalorësit e reformës zgjedhore nuk e mbyllën dot. Një fund i pritur. Keqardhja për ata që në mënyrë naive besonin te fjala e dhënë e premtimet…as një hall për ndryshimin e sistemit me qëllim respektimin e sovranitetit të zgjedhësit,…jo jo. Lista të mbyllura në Republikën Ekezekutive të Kryetarëve të Partive. Thjesht debat për qeverisjen neutrale 100 ditë para zgjedhjeve dhe administrimi i votës. Pra debati për reformën është thjeshtë një luftë e ftohtë, për njërën forcë politike të mbetet në pushtet dhe për tjetrën që të vijë në pushtet… riciklimi i të njëjtëve njerëz në drejtimin e vendit pra e të njëjtës filozofi dhe mentaliteti tregon se asgjë nuk pritet të ndryshojë…
Pkabo 1 qershor 2020”-shkruan në postimin e tij Përparim Kabo.k.t/Fjala.al/
