Figura publike dhe personalitete të industrisë së medias dhe muzikës në Shqipëri e Kosovë po i japin mbështetje marshimit që do të organizohet nesër në Tiranë kundër dhunës dhe abuzimeve ndaj vajzave dhe grave në Shqipëri.
“T’i themi stop abuzimeve ndaj vajzave dhe grave! T’i themi stop mentalitetit që po na i vret për së gjalli vajzat! Të bëjmë thirrje për drejtësi për rastet e denoncuara dhe atyre të heshtura”, thuhet në thirrjen e publikuar nga ‘Pink Movement’.
Marshimi është parashikuar të nisë nesër në orën 16:00 në sheshin ‘Nënë Tereza’ në kryeqytet.
Rasti i fundit i abuzimit seksual ndaj një 15 vjeçareje nga roja e shkollës në periferi të Tiranës ka tronditur opinionin publik. Fatkeqësisht ngjarje të tilla po bëhen të përsëritura edhe brenda shkollave.
Në rrjetet sociale janë të shumtë personat që po i japin mbështetje marshimit dhe që pritet të dalin në shesh kundër fenomenit të dhunës seksuale. Fjala.al ka bërë një vëzhgim të figurave publike që në rrjetet sociale kanë publikuar njoftimin.
Disa prej mbështetësve të marshimit të 4 qershorit
Aurela Gaçe, këngëtare
Dafina Zeqiri, këngëtare
Alketa Vejsiu, moderatore
Olti Curri, gazetar
Rozana Radi, këngëtare
Marina Vjollca, moderatore
Endrit Mërtiri, fotograf
Niko Komani, stilist
Argjentina Ramosaj, këngëtare
Soni Malaj, këngëtare
Oriola Marashi, modele
Tayna, këngëtare
Enca, këngëtare
Luana Vjollca, moderatore
Aleks Seitaj, aktor
Rudina Dembacaj, moderatore
Megi Pojani, blogger
