Kryetari i Partisë Demokratike, Lulzim Basha ka thënë sot se qytetarët e prekur nga tërmeti i 26 nëntorit 2019 dhe ata të prekur ekonomikisht nga pandemia janë lënë në harresë.
Në një postim në ‘Facebook’, Basha ka publikuar një video nga Thumana dhe thekson se punimet atje zgjatën aq sa zgjati edhe vizita e kryeministrit Edi Rama.
Më tej kryedemokrati thekson se Rama harxhoi qindra mijë euro të taksave për një fundjavë luksi në Paris, ndërsa varfëria në vend është shumë e thellë.
Postimi i Lulzim Bashës:
RAMAVIRUSI shkatërroi ekonominë dhe varfëroi shqiptarët edhe më shumë gjatë pandemisë.
Propaganda me regji qëndrore e Ramës nuk e fsheh dot dështimin. Në prill premtoi se do të punohet me 4 turne (!!!) për të pastruar Thumanën nga rrënojat. Pamjet flasin vetë. “Puna” zgjati aq sa vizita dhe transmetimi me regji qëndrore i mashtrimit të radhës.
Rama nuk i ndihmoi qytetarët as pas tërmetit dhe as gjatë pandemisë. Lekët e shqiptarëve i çon në xhepin e oligarkëve dhe për shpenzime luksi. Në vend që të ndihmonte qindra familje të varfëra, Rama harxhoi qindra mijë euro të taksave tona me charter luksi për fundjavë në Paris.
Ekonomia në krizë të thellë, është dështimi i Ramës, i qartë po aq sa gënjeshtrat që ai broçkullit çdo ditë shqiptarëve.k.t/Fjala.al/
https://www.facebook.com/lulzimbasha.al/videos/572676027002791/
