Kina ka deklaruar se do të forcojë bashkëpunimin me vendet e tjera me qëllim nxjerrjen e vaksinës për COVID-19.
Sipas ministrit kinez të Shkencës dhe Teknologjisë, zhvillimi i vaksinës është strategjia thelbësore për mposhtjen e koronavirusit. Më tej ai deklaroi se zbulimi i një vaksine merr kohë.
Presidenti i Kinës Xi Jinping u zotua muajin e kaluar se nëse Kina do të zbulonte vaksinën kundër koronavirusit, gjithë bota do të mund ta aplikonte atë.
Administrata e presidentit amerikan, Donald Trump e ka akuzuar Kinën për mungesë transparence gjatë periudhës së pandemisë, akuza këto që Pekini zyrtar i ka hedhur poshtë./Fjala.al/k.b
