Kur vendosi të blinte aksionet e një prej skuadrave më të dashura në futbollin Italian, asskush nuk i tha kurrë se do të ishte e lehtë. As suksesi nuk do të vinte menjëherë. Grupi Suning ka investuar miliona që kur zbarkoi në skuadrën zikaltër, por tani tifozët dhe vetë hierarkia drejtuese, mendojnë se ka ardhurm koha për trofe.
Presidenti Zhang së pari kishte për detyrë për të rivendosur stabilitetin ekonomik. Por tani familja Zhang mendon se ka ardhur koha të rifreskojë dhomën e trofeve të zikaltërve, që ka të njëjtët “mysafirë” që nga viti 2011, pa shtuar asnjë titull.
Zhang Jindong është një kolos ekonomik. Trashëgimia e tij personale, si dhe madhësia e kompanisë së tij, e vendosin atë në top 10, të 10 kompanive më të pasura dhe megjithëse duke luftuar me limitet e Fair Play Financiar, biznesmeni kinez vendosi një dorë në portofol: 474 milionë shpenzime.
Te Inter shohin Kupën e Italisë këtë sezon si trofeun më të mundshëm, dhe kjo është pjesë e politikës për “hapa të vegjël” e të sigurt. Por për të vendosur duart te kupa, duhet së pari që Inter të fitojë të drejtën të luajë finalen e madhe.
