Fitorja e mrekullueshme e Liverpool në Ligën e Kampionëve në vitin 2005 është votuar si përmbysja më e bukur e një rezultati sportive ndonjëherë. Skuadra angleze që këtë sezon është pranë një finishi historik për rikthimin e titullit kampion në Angli pas 3 dekadash, vlerësohet nga forumet e tifozëve.
Klubi i Reds ka marrë një stimul të mëtejshëm pasi ndeshja epike në finalen e Champions League në 2005 u votua si “kthimi” më i mirë sportiv ndonjëherë. Reds e gjetën veten në disavantazh të trefishtë në Stamboll, por golat nga Steven Gerrard, Vladimir Smicer dhe Xabi Alonso dhe një triumf në lotarinë e penalltive, siguruan që trofeu të shkonte drejt Merseyside.
Një sondazh i Coral pyeti tifozët sportivë se cilët janë përmbysjet e tyre të preferuara. Veç Liverpool në Champions, tifozët votuan në podium, edhe përmbysjen e Tyson Fury ndaj Deontay Wilder në boksin në peshat e rënda. Boksieri britanik dhuroi një show të paparë në “Sin City”, qyteti i mëkateve që cilësohet Las Vegas, duke mahnitur MGM Grand Arena.
Mes përmbysjeve epike edhe suksesi i Manchester United në Champions, në 1999. Goditja e minutës së gjashtë të Mario Basler i dha Bayern Munich epërsinë, por Teddy Sheringham dhe Solskjaer siguruan që gjigantët e Old Trafford të fitonin në Champions, e ta bëninë triumfin e 1999 si pjesë të “tripletës së trofeve.
