Zëdhënësja e Partisë Demokratike, Ina Zhupa ka denoncuar atë se çfarë do të ndodhë me lojërat e e fatit në vendin tonë.
Duke e faktuar dhe me dokumenta, Zhupa deklaron se qeveria i ka dhënë me monopol për 10 vjet, në të gjitha hotelet e licencuara me 5 yje, kompanisë “ADRIA ENTERTAINMENT” sh.a (ish APEX-AL), ku një prej aksionerëve është dhe kompania “VLT Albania” sh.a., me administrator Alban Manastirliu, i cili është vëllai i ministres së Shëndetësisë Ogerta Manastirliut.
Sipas saj, mbyllja e lojërave të fatit për t’i rihapur si monopol me lidhjet nepotike edhe me lidhjet klienteliste duket se ka qenë i vetmi qëllim i kryeministrit Edi Rama.
Postimi i plotë në Facebook:
Monopoli për lojërat e fatit, në të gjitha hotelet e liçensuara me 5 yje, i jepet nga Rama për 10 vjet ish kompanisë APEX- AL me emër të ndryshuar edhe vëllait të Ministres së tij të Shëndetësisë Manastirliu, Alban Manastirliu!
Me 19 maj 2020, Autoriteti i Mbikqyrjes së Lojërave të fatit pranë Ministrisë së Ekonomisë dhe Finacave ka liçencuar të vetmen kompani në treg “ADRIA ENTERTAINMENT” sh.a (ish APEX-AL) që të ushtrojë veprimtarinë në fushën e lojërave të fatit në të gjitha ambjentet hoteliere të vleresuar me 5 yje.
Kompania “ADRIA ENTERTAINMENT” sh.a aktualisht zotërohet nga aksionerët: APEX Holding GmbH , GREEN LINE HOLDING , APEX Enterprise GmbH , WSI dhe “VLT Albania” sh.a (bashkim kompanie).
Pikërisht “VLT Albania” sh.a është kompani shqiptare me administrator z. Alban Manastirliu (vëllai i Ministres së shëndetësisë, bashkëpunëtores ndër vite të Edi Rames, Ogerta Manastirliu ) që ka në veprimtarinë e saj kryesore lojrat e fatit me “Adria Entertainment” sh.a.
Mbyllja e lojërave të fatit për t`i rihapur si monopol me lidhjet nepotike edhe me lidhjet klienteliste duket se ka qenë i vetmi qëllim i Ramës dhe i gjithë propagandës së tij kundra bixhozit.
/E.B./Fjala.al
https://www.facebook.com/inazhupaPD/posts/3918389394899104?__xts__[0]=68.ARBfbB0ImWTJGodESKwV06J75nICP1W5alNo_zkeA_VFLAYgvJilm2JbwCzOokcdTwgBlmI0UeVip8z13hnmzaY_3Qdk_N5CXzCLx2t2UdtqMA7hXTH41FkrseCNabe9auDdLkXut4j0_1wVGBDn6veXFDuCaVK4dCy69m7yYn1RyBq–1oDIKz3O_fwVt_KvlWlTJLVEmEibY7fic3rmqVM7nnZ2kMCsftNzuA1PHWx3jT7Ad2opmQUOcPB342WG5S3CdxFQyJOTV_huQ_wkL5xuweO085j5YpiYFBUeY9bxPmHxja-W2N9j3Wz6VBR8JOMvRxRrs1VUWhbqI8-9RhFykXh&__tn__=-R
