Zaida Çobo, nëna e 15-vjeçarit të dhunuar nga uniformat blu te parku i liqenit në Tiranë, ka komentuar takimin që ka pasur me Drejtorin e Policisë së Shtetit, Ardi Veliu dhe për padinë ndaj tij.
Çobo deklaroi në emisionin “Shqipëria Live” se ndjesa e Veliut i është dukur e sinqertë lidhur me videon e publikuar gjatë një mbledhje për Sigurinë Kombëtare. Ndër të tjera ajo shtoi dhe se do t’i pëlqente të ishte pjesë e Policisë së Shtetit dhe të punonte me Ardi Veliun.
“E kam takuar edhe më parë Ardi Veliun, pasi kam shkuar kohë më parë të ankohesha se nuk fitova një konkurs për t’u bërë pjesë e Policisë së Shtetit. Do më pëlqente që të isha pjesë e Policisë dhe të punoja me Ardi Veliu. Ndjesa e tij i është dukur e vërtetë dhe se nuk ka zgjatur shumë. Më kërkoi ndjesë dhe nuk e pyeta se përse e bëri një gjë të tillë. Ende nuk e kam tërhequr padinë, është akoma çështje pezull. Ndërsa në lidhje me çështjen e djalit që ma dhunuan policët, i kam thënë edhe Ardi Veliut që do e dërgoj deri në fund”, tha ajo./E.B./Fjala.al
