Një aventurë e keqe, që fatmirësisht përfundoi pa pasoja dramatike, por që riktheu në diskutim problemin e sigurisë për futbollistët në Itali. Të mësuar të jenë gjah i keqbërësve dhe nën vëzhgim nga grabitësit për shkak të aksesorëve të shtrenjtë si makina, apo orë, futbollistët e Serie A denoncojnë krimet që vuajnë. I fundit është Samu Castillejo…
Futbollisti i Milan, përmes profilit të tij në Instagram tha se ishte grabitur në Milano nga dy banditë që e kërcënuan dhe e dhunuan verbalisht duke i drejtuar dhe një armë në fytyrë. “Në Milano a jemi në rregull? Dy djem më grabitën duke më treguar armën në fytyrën time,” shkroi spanjolli i Milan menjëherë pasi raportoi incidentin në polici.
Për fat të mirë, çështja u zgjidh vetëm me një dozë frike të shtuar dhe vjedhje të ores së futbollistit, por pa ndonjë pasojë fizike për Castillejo, i cili padyshim u trondit dhe ka kërkuar masa shtesë sigurie në banesë.
