Një thesar plot me ar, me bizhuteri dhe sende të tjera me vlerë me vlerën më shumë se 1 milion dollar, thuhet se është gjetur në malet Rocky.
Koleksionisti i antikitetit Forrest Fenn thotë se ai fshehu thesarin më shumë se një dekadë më parë, duke krijuar një gjueti thesari për njerëzit që ta gjejnë atë.
Mijëra njerëz e kërkuan atë, shumë u larguan nga punët e tyre dhe shfrytëzuan kursimet e tyre. Katër njerëz vdiqën. Tani, Fenn ka deklaruar se një burrë më në fund e ka gjetur atë.
“Është nën një tendë yjesh në bimësinë e harlisur, pyjore të maleve Rocky dhe nuk kishte lëvizur nga vendi ku e fsheh më shumë se 10 vjet më parë,” tha Fenn, një milioner 89-vjeçar nga New Mexico, në një deklaratë.
Ai shtoi se nuk e njihte njeriun që e gjeti, por që një poezi me 24 rreshta në autobiografinë e tij të vitit 2010, ‘Thrill of Chase’ e kishte çuar njeriun në vendin e saktë.
Fenn gjithashtu i tha gazetës së tij lokale, Santa Fe New Mexico, se burri nuk donte që emri i tij të lëshohej, por e kishte konfirmuar gjetjen duke dërguar një fotografi.
Re.Gu/fjala.al
