Mjeku dhe epidemiologu Ilir Alimehmeti ka deklaruar ditën e sotme se rritja e numrit e të infektuarve me Covid-19 nuk duhet parë si diçka shqetësuese, pasi sipas tij situate në spitale nuk është e rënduar.
“Nuk mund ta mohojmë faktin se po infektohen më shumë raste. Por numri i rasteve të reja nuk do të thotë cdo gjë. Duhet të kemi parasysh se e rëndësishme është mospërmbutja e sistemit shëndetësor. Pra, vëmendja është aty, të mos kemi fluks të madh në spitale. Rastet e reja duhet të izolohen patjetër. Shifrat tregojnë se vetëm 10.6 rasteve aktive janë të shtruar në spital nga rastet e reja, pra më shumë se 80.4% prej tyre janë në shtëpi”, – u shpreh Alimehmeti.
Më tej në intervistën për News24 ai shtroi se ka ardhur koha për testime serologjike në masë për të kuptuar se si dhe sa është përhapur koronavirusi në Shqipëri.
“Kjo varet nga testimet. Jemi vendi me nr. e testimeve më të ulëta në Europë. Duhet të kemi më shumë testime që të kuptojmë situatën reale. Kurba e virusit do varet nga testimet që do bëjmë. Ka ardhur koha për testime seriologjike në masë. Kështu flasim në errësirë dhe nuk e dimë asnjëherë rezultatin real”,– tha mjeku.
Ndërkohë gjatë 24 orëve të fundit në vendin tonë janë konfirmuar 57 raste të reja me koronavirus, një shifër kjo rekord që nga shpërthimi i Covid-19. Sot janë kryer 362 teste nga të cilat Kruja ka regjistruar numrin më të lartë të rasteve ditore, pasi janë zbuluar 22 raste, ku 16 prej tyre lidhen me aktivitete biznesi dhe kontakte të tyre. Në total numri i rasteve aktive është 441 dhe i të prekurve që nga nisja e pandemisë 1521./re.gu/Fjala.al
