Policia ka zbardhur detaje të reja për ngjarjen e rëndë të ndodhur në Gjerbës të Mallakastrës, ku është grabitur e vrarë një grua.
Viktima është 51-vjeçarja Drita Saliaj, e cila jetonte e vetme në banesë, pasi bashkëshorti i saj ishte emigrant, njofton policia.
Mësohet se ngjarja ka ndodhur pas grabitjes në banesën e 50-vjeçares, teksa kjo e fundit dyshohet se i ka njohur autorët, që kanë qenë tre të rinj.
Deri tani dihet se ishte nipi i të ndjerës Drita Saliaj, ( djali i vëllait të burrit), në bashkëpunim me 2 shokë të tij, ishin ata që iniciuan grabitjen e më pas kryen dhe vrasjen më dt. 5 janar.
Nga të dhënat e policisë mësohet se menjëherë pas ngjarjes, autorët e kanë marrë gruan, e kanë lidhur me litar dhe e kanë hedhur në rezervuarin e fshatit, prej ku është gjetur e pajetë nga banorët.
Specialistët për Hetimin e Krimeve të Rënda në Drejtorinë Vendore të Policisë Fier, arrestuan shtetasit: L. S., 16 vjeç, banues në Gjerbës,.S. Sh., 16 vjeç, banues në Çërrillë, dhe Ervis Zotaj 26 vjeç, banues në Gjerbës, Mallakastër. /Fjala.al
