Duket se QSUT-ja është kthyer në një vatër infektimesh, ku së fundmi 4 punonjës të ekipit mjekësor kanë rezultuar pozitivë me koronavirus.
Bëhet me dije se një kryeinfermier dhe 3 infermiere të sallës operatore në pavijonin e ORL-së në QSUT kanë rezultuar pozitivë. Ndërkohë gjatë ditëve të fundit në këtë sallë janë kryer 5 operacione.
Gjithashtu pozitivë me koronavirus kanë rezultuar një mjek në Qendrën Shëndetësore në Sauk, një mjeke e Qendrës Kombëtare të Transfuzionit të Gjakut dhe një kryeinfermier. Ditën e sotme pritet të konfirmohet nga autoritetet e Ministrisë së Shëndetësisë 29 raste të reja vetëm në Tiranë.
Ndërkohë ditën e djeshme kanë rezultuar pozitivë me koronavirus 69 persona, duke shënuar një rekord të ri të rasteve në Shqipëri./Re.Gu/Fjala.al
