Jay Z dhe Beyonce janë paditur për plagjiaturë nga Dr. L’Antoinette Stines, një artiste xhamajkane, e cila akuzon çiftin e bashkëshortëve se kanë vjedhur punën e saj dhe për këtë as nuk e kanë falënderuar dhe as nuk e kanë paguar.
Stines thotë se ndihet “artistikisht e përdhunuar”. Stines i argumentoi gjykatës se super çifti, e kishte kontaktuar në mars të 2018, duke i kërkuar artistes që ti gjejë dhe ti përgatisë një grup balerinësh, që do të performonin në një klip të këngës së tyre më të re.
Ajo realizoi bisedimet dhe kontratën me Jay Z dhe Beyonce por prej tyre, nuk pati më asnjë kontakt, edhe pse videoklipi u realizua siç ata e kërkonin. Madje ata i thanë artistes se ky klip do të përdorej vetëm për promovimin e turit të tyre botëror dhe jo për qëllime të tjera. Ndaj edhe Dr. L’Antoinette Stines i dha lejen e firmosur vetëm për këtë qëllim.
Bëhet fjalë për videoklipin e këngës së vitit 2018, “Everything is love”. Tashmë Stines kërkon kompensim financiar nga çifti milioner nën akuzën se të dy ata shkelën të drejtën e publicitetit, të firmosur 2 vjet më parë mes dy palëve./dailymail/Re.Gu/Fjala.al
