Që prej vitit 2015 në Shqipëri kemi një ulje të dukshme të numrit të të vrarëve. Dhe kjo cilësohet si një nga punët e mira të kësaj mazhorance që e mori shifrën e të vrarëve në 120 në vitin 2013. Por Flamur Noka deklaron se kjo shifër është e falsifikuar. Në emisionin HARD TALK NGA ROLAND QAFOKU në grupin mediatik “FJALA”, Noka u shpreh se ekziston një zyrë falsifikimesh ku të dhënat falsifikohen për propagandë.
-Zoti Noka, numërohen 50 të vrarë në vit ndërkohë që ju e latë me 120.
-Do të ta them unë… Unë e di se i kam informacionet. Këta kanë pasur porosi që në fillim, 50-55 t’i luhasin.
-Kjo është shumë e rëndë.
-Le të jetë e rëndë, a ka mundësi ta them unë?A i ke numëruar sa vrasje janë bërë që nga fillimi i vitit deri tani? Si ka mundësi që në fund të vitit ju dalin 50 këtyre? Është hera e parë ku pushteti ka një zyrë ku falsifikon të dhënat për propagandë. Nuk e bën polici, e bën vullneti politik. Kemi denoncuar në parlament me emra. Ishte i vrarë, dhe në komunikatën e policisë thoshte u gjet i vdekur në kanal. Ai kishte plumba në trup. Për familjen ishte i vrarë, për policinë ishte i vdekur në kanal. Kemi pasur një rast në Babru, ai ishte i vrarë ndërkohë që policia e shënonte i vdekur në oborrin e një shkolle. Ndaj them që Shqipëria është në udhëkryq, se kur arrijnë të fasifikojnë dhe të vrarët, e kupton ku është problemi i Policisë së Shtetit? /Fjala.al/Ke.Ba
https://www.youtube.com/watch?v=-VgFpDPXnE8
