Gjatë mesnatës së mbrëmjes së djeshme janë vjedhur zyrat e Drejtorisë së Përgjithshme të Transportit Rrugor në Kashar.
Ngjarja e rëndë është konstatuar nga pastruesja e Drejtorisë së Patentave, pasi kanë qenë zyrat e kësaj të fundit që kanë rënë pre e grabitësve.
Mësohet se autorët kanë hapur një kasafortë dhe kanë marrë gjithçka që kanë gjetur brenda, ndërsa kasafortën e dytë e kanë marrë siç ishte, pasi duket se nuk kanë mundur që ta hapin dot në vend.
Nuk dihet ende se çfarë kanë vjedhur, apo se sa para kanë qenë në kasaforta, megjithatë policia është duke punuar për zbardhjen e ngjarjes dhe identifikimin e autorëve.ka.ta/Fjala.al/
Njoftimi i policisë:
Me datë 24.06.2020, rreth orës 07:45, është njoftuar salla operative se gjatë natës, në Kashar, dy persona ende të paidentifikuar dyshohet se kanë vjedhur kasafortën e një objekti.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, si edhe për identifikimin dhe kapjen e autoreve.
