Everton i trajnerit Carlo Ancelotti dhe Manchester City që mposhti Burnley, e kanë shtyrë festën për disa ditë, por Liverpool 30 vjet pas herës së fundit, tani ka në duart e tij titullin e kampionit të Anglisë. Numërimi mbrapsht për të festuar Premier League më të gjatë në historinë e futbollit anglez ka filluar zyrtarisht dhe nëse skuadra e Guardiola nuk e mposht Chelsean sonte, triumfi do të jetë edhe zyrtarisht në aspektin matematikor.
Aktualisht skuadra e Klopp, pas fitores kundër Crystal Palace kryeson me 86 pikë, ndërsa Manchester City është në një kuotë prej 63 pikësh. Reds kanë nevojë për dy pikë, pa i parë të tjerët se çfarë do të marrin në fushë, por festa tashmë mund të shpërthejë këtë mbrëmje. Nëse Manchester City humbet ose barazon kundër Chelsea, titulli do të jepet sonte 7 raunde para fundit në Premier League.
Në rast të një fitore të Citizens, festa do të duhet të presë dhe gjithçka do të shtyhet për në 2 korrik, kur përplasja kundër City do të zhvillohet në Etihad Stadium.
