Edhe pse rruga ishte shtruar në harkun e javëve të tëra vuajtje dhe fitore të merituara në fushë, Liverpool fiton kampionatin anglez, duke shikuar nga ekrani i vogël. Reds nuk luajtën fare këtë të enjte, por admiruan fitoren e Chelsea 2-1 kundër Manchester City që i jep matematikisht fronin pas plot 3 dekadash mungesë.
Në impiantin londinez “Stamford Bridge” u luajt një ndeshje e bukur dhe me emocione por që foli në fund për Blues, të aftë të marrin 3 pikë të vyera në luftën për të mbajtur një vend në Champions League. Christian Pulisic i dha avantazhin londinezëve por një perlë e Kevin de Bruyne nga goditje dënimi barazoi shifrat në të 55′.
U desh një penallti e mesfushorit Willian për të vendosur suksesin e Chelsea, e bashkë me të shkurorëzimin e Manchester City, dhe ngjitjen në fron të Liverpool të drejtuar nga Jurgen Klopp.
