Dy persona ranë në prangat e policisë për shpërndarjen e lëndëve narkotike në Pogradec.
Në kuadër të operacionit “Topleci”, për goditjen e aktivitetit kriminal në fushën e prodhimit dhe shitjes së narkotikëve, policia arrestoi në flagrancë shtetasit me iniciale F.Sh., 26 vjeç dhe S.B., 39 vjeç të dy banues në Pogradec.
Policia në bazë të informacioneve të siguruara në rrugë policore se këta shtetas shpërndanin lëndë narkotike në qytet, bënë lokalizimin dhe ndalimin e tyre në lagjen nr. 4.
Gjatë kontrollit fizik, shtetasit F. Sh. iu gjet një sasi e vogël me lëndë të dyshuar narkotike kanabis, ndërsa nga kontrolli i ushtruar në banesën e shtetasit S. B. u gjet dhe u sekuestrua 1 kg lëndë e dyshuar narkotike kanabis.
Ndalimi i tyre u bë në lagien nr 4 në qytet. Materialet i kaluan Prokurorisë pranë Gjykatës së Shkallës së Parë Pogradec, për veprën penale “Prodhimi dhe shitja e narkotikëve”./Bl.Ba/Fjala.al
