Zbardhet drafti me pyetjet e censusit të këtij viti. Në listën e pyetjeve do të jenë edhe ato për etninë dhe fenë. Numërimi i popullsisë e ndërtesave dhe mbledhja e të dhënave në lidhje me të arsimin, pronat, etj do të bëhet në tetor- nëntor të 2020-s dhe se formularët përmbajnë pyetje nga më të ndryshmet për gjendjen e popullsisë në atë moment. Plotësimi i formularëve është i detyrueshëm dhe për këtë do të bëhet një sensibilizm i fortë. Instituti i Statistikave ka publikuar draftin e pyetje.
Nëpërmjet censusit, do të shihen ndryshimet e popullsisë në dekadën e fundit, madhësia dhe struktura e familjeve, migracioni, arsimi, punësimi, kushtet e banimit, e të tjera. Të dhënat që do të sigurohen do të përdoren për hartimin e politikave sa më efikase në nivel qendor dhe lokal. Në censusin e fundit, atë të vitit 2011, popullsia banuese e Shqipërisë ishte 2 821 977 banorë, me rënie 8% krahasuar me censusin e vitit 2001.
