Deputetja Rudina Hajdari tha sot se opozita parlamentare nuk është e përçarë sa i takon reformës zgjedhore dhe se për ata deputetë që duket se kanë ndërruar mendje në momentet e fundit tha ajo, janë ftuar në dialog.
“Ne kemi një qëndrim të unifikuar që prej fillimit, opozita parlamentare pavarësisht duket se janë disa individë nga lista të ndryshme sa i takon reformës zgjedhore ata deputetë të opozitës e ndiejnë në kurrizin e tyre si partitë janë sjellë me ta, reforma zgjedhore është një moment për të treguar e provuar aftësitë e tyre para elektoratit e të mos jenë pre e mundësisë që të shkojnë te një kryetar partie e t’i luten për të pasur mundësinë të rikthehen në Parlament.
Mendoj që do ecin përpara shumë deputetë kanë mundësinë të qëndrojnë të unifikuar sa i takon reformës zgjedhore, kemi takime të shpeshta, e deri më sot shohim shumë pak deputetë që janë duke ndërruar qëndrim, edhe ata që ndoshta në momentet e fundit duket sikur kanë ndryshuar qëndrim i kemi bërë pjesë të debatit për ti informuar çfarë po ndodh”, tha Hajadri.
Më tej ajo theksoi se kjo betejë nuk është luftë për kolltuk apo personale, por “për të përmirësuar cilësinë e demokracisë në vend. Kjo është një betejë reale për të përmirësuar cilësinë në parlament dhe për t’i dhënë të drejtën sovranit të zgjedhë atë që kërkon ta përfaqësojë”./Bl.Ba/Fjala.al/
