Presidenti i vendit, Ilir Meta ka kujtuar gjithashtu nëpërmjet një postimi në “Facebook” 2 korrikun e 30 viteve më parë.
Me një foto e cila ilustron saktificën dhe dëshirën e shqiptarëve për liri, në dyert e Ambasadës Gjermane, Meta shpreh mirënjohje për të gjithë ata që guxuan ti jepnin vendit një drejtim të ri.
“Koha për kthimin e shqiptarëve në vendin e tyre” është shprehur Presidenti
Postimi i Metës
Kjo foto është shkrepur 30 vjet më parë brenda Ambasadës gjermane në Tiranë, ku rreth 3200 shqiptarë nisën një jetë të re në liri. Hapja e dyerve të Ambasadës gjermane goditi në zemër diktaturën më të egër në Europë.
30 vite më pas, në emër të këtyre sakrificave të jashtëzakonshme njerëzore duhet të përmbushim sa më parë të gjitha kushtet, që të nisim negociatat e anëtarësimit me BE gjatë Presidencës gjermane.
Presidenca gjermane e BE është një mundësi e shkëlqyer, dhe një sprovë e vërtetë për çdokënd që për Shqipërinë Europiane jo vetëm flet por edhe punon.
Mirënjohje të gjithë shqiptarëve që me guximin e tyre 30 vite më parë i dhanë Shqipërisë një drejtim të ri. Koha për të përmbushur ëndrrën e çdo qytetari: Shqipëria si gjithë Europa.
Koha për kthimin e shqiptarëve në vendin e tyre. /Ra.My. Fjala.al/
