Policia e Matit ka arrestuar dy persona lidhur me ngjarjen e ndodhur mbrëmjen e të shtunës në Burrel ku mbeti i plagosur me armë zjarri shtetasi E. M.
Pas hekurave kanë përfunduar shtetasit S. K., 38 vjeç dhe XH. P., 20 vjeç, dy banues në Burrel. Ata akuzohen për veprën penale moskallëzim krimi.
“Arrestimi i tyre u bë pasi nga tërësia e veprimeve hetimore të kryera është arritur që të dokumentohet me prova se kanë qenë prezent kur është plagosur shtetasi E. M. dhe nuk kanë kallëzuar për krimin e kryer, si dhe kanë prishur vendin e ngjarjes duke pastruar ambientin ku ka ndodhur ngjarja.” thuhet në njoftimin e policisë.
Ndërkohë që vijon puna për kapjen e autorit të kësaj ngjarjeje, shtetasin T. (H.) Xh., banues në Tiranë.
Ngjarja nddhi më 4 korrik, në vendin e quajtur “Kthesa e Sanës” Burrel, dhe dyshohet se shkaku i plagosjes ishte për motive hakmarrjeje.
Materialet procedurale i kaluan Prokurorisë Mat, për veprat penale “Moskallëzim i krimit” dhe “Veprimet që pengojnë zbulimin e të vërtetës”.
/En.Br./Fjala.al
