Gjykata e Posaçme e Apelit Kundër Korrupsionit dhe Krimit të Organizuar ka nxjerrë jashtë juridiksionit të saj 19 personat e arrestuar më 18 maj 2020, në zonën e Kukësit dhe Hasit për kultivimit e lëndëve narkotike.
Trupa gjyqësore relator Sokol Binaj, ka pranuar ankimet e Arben Tucit dhe Durim Vata e të av. Arber Hoxha dhe Sokol Tahiraj, duke urdhëruar kthimin e akteve në Prokurorinë e Rrethit Gjyqësor Kukës.
Po ashtu, Prokuroria e Posaçme ka shpallur moskompetencën lëndore duke i kërkuar Gjykatës dërgimin e akteve Prokurorisë Kukës.
Kujtojmë këtu që te dyshuarit janë midis 19 personave te arrestuar ne 18 Maj 2020, në zonën e Kukesit dhe Hasit, në kuadër të një procedimi penal më shumë se 2-vjeçar, për kultivimin e lendes narkotike.
Pavarësisht kësaj, është vendosur që të vazhdojë seanca gjyqësore për caktimin e masave të sigurimit, ku në përfundim të gjykimit ka lënë në fuqi vendimin e shkallës së parë./Re.Gu/Fjala.al
