Policia e Kuçovës njofton arrestimin e dy personave të cilët po konfliktoheshin me një të tretë, ndërhyrja e policisë arriti të parandalojë në kohë përshkallëzimin e konfliktit i cili mund të kishte pasoja fatale për jetën.
Ngjarja ka ndodhur në lagjen “11 shkurti”, Kuçovë, ku R.GJ, 31 vjeç dhe XH.D 22 vjeç për motive të dobëta po konfliktoheshin me XH.K, 25 vjeç.
Ndërhyrja në kohë e policisë bëri të mundur arrestimin ne flagrancë të dy prej të rinjve, R. Gj., 31 vjeç, dhe Xh. D., 22 vjeç, ndërkohë që shtetasi tjetër Xh. K., 25 vjeç arriti të largohej duke lënë në vendngjarje mjetin e tij.
Gjatë kontrollit në mjetin e shtetasit Xh.K, shërbimet e policisë gjetën një armë zjarri automatikë e cila u sekuestrua .Të rinjtë do të akuzohen për veprat penale “Mbajtja pa leje e armëve luftarake dhe e municionit” dhe “Kanosje e kryer në bashkëpunim”.
Njoftimi Policisë:
Kuçovë
Ndërhyrja në kohë e Policisë parandalon përshkallëzimin e mëtejshëm të një konflikti me pasoja të rënda për jetën midis tre të rinjve.
Në pranga dy shtetas, një tjetër shpallet në kërkim.
Sekuestrohet një armë zjarri automatikë.
Shërbimet e Komisariatit të Policisë Kuçovë, kanë mbërritur menjëherë në vendin e ngjarjes pas marrjes së njoftimit se në lagjen “11 Shkurti” në Kuçovë, shtetasit R. Gj., 31 vjeç, dhe Xh. D., 22 vjeç, për motive të dobëta po konfliktoheshin me shtetasin Xh. K., 25 vjeç.
Shërbimet e Policisë parandaluan përshkallëzimin e mëtejshëm të konfliktit duke neutralizuar dhe arrestuar në flagrancë dy prej të rinjve, shtetasit R. Gj., 31 vjeç, dhe Xh. D., 22 vjeç, ndërkohë që shtetasi tjetër Xh. K., 25 vjeç arriti të largohej duke lënë në vendngjarje mjetin e tij. Gjatë kontrollit të ushtruar në mjetin e shtetasit Xh. K., shërbimet e policisë gjetën një armë zjarri automatikë e cila u sekuestrua në cilësinë e provës materiale.
Materialet iu referuan për veprime të mëtejshme Prokurorisë së Rrethit Gjyqësor Berat për veprat penale “Mbajtja pa leje e armëve luftarake dhe e municionit” dhe “Kanosje e kryer në bashkëpunim”./Fjala.al
