Yjet e futbollit të Shqipërisë, Greqisë, Italisë e Turqisë kanë vizituar ditën e sotme banorët e zonave të prekura nga tërmeti i 26 nëntorit të vitit 2019.
Sot në orën 18:00 këto skuadrat kombëtare të legjendave të futbollit të këtyre katër shteteve do të luajnë në stadiumin “Air Albania”, ku të gjitha paratë që do grumbullohen do i jepen këtyre banorëve.
“Luajmë dhe rindërtojmë së bashku” është motoja e përdorur për takimet që do të zhvillohen ditën e sotme.
Disa nga legjendat shqiptare që do marrin pjesë në këtë aktivitet janë: Cana, Murati, Strakosha, Bogdani, Duro, Raklli, Hasi, Bejqaj, Tare.
Ndërsa, nga Italia, Turqia e Greqia emrat janë: Zambrota, Di Baxhio, Altintop, Ersoj, Karan, Shanli, Rushtu apo edhe Karagunis e Gekas.
Futbollistët kanë vizituar sot zonën e Bubqit dhe atë të Thumanës ku kanë takuar banorë të shumtë dhe midis tyre dashamirës të këtij sporti./Fjala.al/
