Shumëkush e kishte pritur El Clasicon e kësaj nate. Por, Barcelona dhe Reali i Madridit nuk shkuan më shumë se një barazim pa gola.
Të dyja skuadrat mbeten me pikë të barabarta dhe në krye të klasifikimit të La Ligas.
Megjithëse të dyja skuadrat kanë sulme të frikshme, nuk arritën të shfaqeshin të saktë përpara porte, duke mos arritur të dërgonin topin në rrjetë.
Barcelona ishte favorite në letër por madrilenët balancuan gjithçka në fushë me një formacion me 4 mesfushorë, ku Casemiro dhe Valverde luajtën bashkë me Kroos në mesfushë. Ajo që ra në sy ishte se Isco dhe Bale u panë shumë në mbrojtje për të parandaluar çdo të papritur të mundshme të Messit.
