Kush janë drejtuesit e Këshillit Koordinues të Diasporës

113 563 lexime

124,178FansaPëlqeje

Mbledhja e parë e Këshillit Koordinues të Diasporës, u zhvillua më 18 dhjetor, e me qëllim diskutimin për ecurinë e mëtejshme të punës dhe funksionimin e këtij Këshilli.

Anëtarët e Këshillit Koordinues të Diasporës, sipas Rregullores së Këshillit, zgjodhën drejtuesit e këtij këshilli. Me shumicë votash, kryetar i këshillit u zgjodh z. Mark Gjonaj, nënkryetare znj. Anila Hyka Smorgrav dhe sekretare znj. Adriana Fishta-Bejko.

Kryetari, z. Gjonaj është përfaqësues i Diasporës shqiptare në SHBA dhe mban postin e këshilltarit në Këshillin e Bashkisë së Nju-Jorkut. I diplomuar në “Saint John’s University”, z. Gjonaj është i pari shqiptaro-amerikan në bashkinë e Nju Jork-ut i zgjedhur që prej 2017. Në vitet 2012-2017, ai ka qenë anëtar i asamblesë së shtetit të Nju Jork-ut. Gjithashtu, është aktivist i hershëm në çështjen e Diasporës shqiptare në shërbime filantropike duke dhënë një kontribut të vazhdueshëm për kauzën shqiptare.

Nënkryetarja, znj. Smorgrav, e cila përfaqëson Diasporën shqiptare në Francë është profesioniste në fushën e IT-së dhe telekomit. Studimet e saj i mbaroi me rezultate të shkëlqyera në Oslo për IT, ku filloi dhe të punojë si pedagoge pranë këtij institucioni. Është diplomuar dhe me master në MBA në ESCP Evropë, një nga shkollat më prestigjioze të biznesit në Evropë. Njëkohësisht, ajo drejton projekte dhe shërben su konsulente biznesesh të rëndësishme në gjithë Evropën. Prej disa vitesh, znj. Smorgrav është aktiviste e organizatave shqiptare në Diasporë, ku dhe drejton shoqatën franko-shqiptare “Albania” në Paris.

Executive MBA Graduation Ceremony – Class of 2016 – ESCP Europe

Ndërkohë, sekretarja e Këshillit, znj. Fishta-Bejko është mësimdhënëse, autore dhe studiuese shkencore në Kanada. Gjatë 42 viteve si edukatore ka arritur të krijojë raporte me drejtues në fushën e arsimit, prindërve dhe nxënësve, duke pasur influencë pozitive në vende të ndryshme të botës me mësimdhënie në disa shtete. Për arritjet e saj në fushën e arsimit, në vitin 2002, ajo u laureua me çmimin “ëho’s ëho” për kontinentin Amerikan dhe çmimin e dytë për “Emigrant of Achievement”, Calgary, Alberta. Në maj të 2018-ës, ajo u zgjodh kryetare e bordit të shkollës “Foleja e Shqiponjave” në Calgary, Alberta./Fjala.al

Lexo edhe :  Pse nuk mbeteni shtatzënë? Gjinekologia zbulon arsyet që çojnë në aborte te fetusi

 

Të fundit

VIDEO/ Inter “ngec” në barazim ndaj Cagliarit, shtyhet festa e titullit për zikaltërit

Cagliari ndal Interin në “San Siro” në një barazim 2-2 dhe i detyron zikaltrit ta fitojnë derbin e javës...

Avionët luftarakë “Rafale”, Franca merr vendimin e papritur ndaj Serbisë

Pak ditë më parë presidenti serb, Aleksandar Vuçiç zhvillon një takim me homolgun e tij në Francë, Emmanuel Macron ku diskutuan në lidhje me...

E vërteta e naftës së Shpiragut

Nga Fatos Çoçoli Për shkak të shtimit të prodhimit dhe shitjeve të makinave elektrike kudo në botë(shitjet e tyre kanë kapur 18 përqind të totalit...

FOTO/ Pas daljes nga shtëpia e “Big Brother”, Ledjona bën ndryshimin drastik

Ledjona Xheladinaj ka vendosur që të bëjë një ndryshim të papritur në imazhin e saj. Ish-banorja e Big Brother Vip 3, ka ndryshuar ngjyrën e...

“Dronët iranianë mund të bëjnë kërdinë”/ Analiza mbi goditjen e Izraelit

Irani ka nisur dhjetëra dronë dhe raketa balistike drejt Izraelit, duke kryer një sulm të pashembullt kundër armikut të tij të përbetuar. Në mesin...

Lajme të tjera

Web TV