Kukësi ka marë sot vetëm një barazim në ndeshjen kundër korçarëve, por kjo i ka dhënë atij kryesimin e kampionatit. Kuksianët nuk shkuan më shumë se rezultati 1-1 ndaj Skënderbeut, në sfidën e vlefshme për javën e 17-të të Kategorisë Superiore.
Një përballje kjo tepër luftarake, ku nuk kanë munguar rastet e shumta të shënimit, si dhe kartonët e kuq. Korçarët e Ilir Dajës, kaluan të parët në avantazh me anë të kapitenit Bruno Dita, i cili realizoi në minutën e 32-të me kokë, ndërkohë që kryesuesit e kampionatit barazuan shifrat vetëm në minutën e 58-të, me anë të mesfushorit Rroca.
Goli i pësuar në pjesën e parë zgjoi Kukësin që nuk u pajtua me rezultatin. Kryesuesit e Superligës provuan me të gjitha mënyrat të gjenin rrjetën. Në të 38-ën, goditja e Gavazaj u devijua në momentin e fundit, ndërsa më pas Koliçi i mohon Shkurtaj një gol të sigurtë. ]
Në shtesën e pjesës së parë Ethemi gjen rrugën e rrjetës, por goli i tij anulohet nga kryesori Jorgji. Të kota protestat e vendasve, ndërsa epërsia e Skënderbeut në pjesën e parë nuk ndryshon.
Pas pushimit, presioni i Kukësit merr të tjera doza dhe pas shumë përpjekjesh, goli i barazimit do të vinte në minutën e 59-të me Rrocën.
Skënderbeu u detyrua të luante gati 30 minuta me 1 lojtar më pak, për shkak të daljes me karton të kuq të mesfushorit Asion Daja. Me barazimin e sotëm, Kukësi kryeson kampionatin me 31 pikë, duke u shpallur kampion dimri.
Ndërkohë, korçarët janë ngjitur në kuotën e 21 pikëve, duke mbajtur vendin e 8-të në klasifikim./Fjala.al/
