Vlora Durrësi dhe Saranda janë përfshirë nga stuhi shiu. Për pasojë nuk lejohet dalja në det e peshkarexhave. Po ashtu as e trageteve. Është pezulluar linja Sarandë-Korfuz dhe anasjelltas ndërkohë që edhe Bari-Durrës nuk është bërë ende nisja.
Në fakt prej më shumë se 24 orëve është folur për kushte të pafavorshme udhëtimi. Trageti i linjës Brindizi-Vlorë rrezikoi jo pak. Ishin rreth 150 pasagjerë të cilët qëndruan në det plot 14 orë duke shfaqur ankth dhe panik për gjendjen në të cilën ndodheshin.
Autoritete e IGJUM kanë treguar se gjendja e motit do të jetë e tillë deri të hënë pasdite, kohë kur do të nisë edhe të dobësohet.
Sipas të dhënave që vijnë nga Durrësi bëhet me dije se për shkak të kushteve aspak të favorshme detare, një nga tragetet e linjës Bari-Durrës që duhej të mbërrinte në mëngjes në Durrës ka shtyrë lundrimin. Është nisur drejt portit shqiptar mëngjesin e sotëm dhe parashikohet të mbërrijë pas orës 14.00.
Sipas të dhënave mendohet se janë të paktën 5 mijë shqiptarë të cilët kanë vendosur të kthehen në pesë tragete që janë të gatshëm për tu nisur. Sipas informacioneve që vijnë nga burimet jozyrtare mësohet se në fakt shkak iu vonesave nuk është moti por problemet e kompanive.
Janë një numër shumë i madh pasagjerësh që vijojnë të presin në Bari dhe Ancona, ndërkohë që autoritetet vijojnë t`ia lënë fajin motit të keq.
Ndërkohë një tjetër traget ka mbërritur me një vonesë dyorëshe, ndërsa ka nisur dhe fluksi i udhëtarëve që vijnë për pushime këtë fundvit.
Deti regjistron forcën 8 ballë të shkallës ‘Boufort’ dhe nesër situata do të vazhdojë e njëjtë, por era do të ndryshojë drejtim. Ajo do të fryjë në drejtimin veriperëndim duke sjellë dhe ulje temperaturash, ndërsa deti do të ketë forcën 7 ballë përgjatë gjithë ditës .
Kjo situatë detare ka pezulluar përkohësisht nisjen e lundrimeve për anijet e tonazhit të ulët dhe të mesëm në Adriatik, përfshirë këtu dhe anijet e peshkimit. /Fjala.al/
