Ka nisur në stadiumin “Selman Stermasi” në Tiranë takimi midis Partizanit dhe Vllaznisë të vlefshme për fazën e 17-të te Kategorisë Superiore. Ekipi i Partizanit zbret në këtë sfidë nga një gjendje jo fort e mirë, pasi vjen pas humbjes së derbit me Tiranën dhe humbjes së ndeshjes me Teutën të para një jave.
Vllaznia nga ana tjetër nuk ndodhet në pozita më të mira, pasi qëndron te zona e rrezikut të kategorisë, gjë që ja bën të domosdoshme fitoren e këtij takimi.
“Demat e kuq” vijnë me disa mungesa në këtë takim, pasi nuk kanë në radhët e tyre brazilianin Melo, dhe mbrojtësin Boldor, të cilët dolën me karton të kuq në ndeshjen e fundit.
Pas tre disfastash, ekipi kryeqytetas do të kërkojë fitoren në transfertën shkodrane. Nga ana tjetër djemtë e Mirsad Jonuz, vijnë në këtë sfidë pas humbjes në shtëpi ndaj Kukësit.
Për sa i përket formacioneve zyrtare, Partizani vjen me mungesa në mesfushë. Bie në sy aktivizimi i Trashit në mesfushë. Ndërkohë nga ana tjetër Vllaznia vjen disi më e plotë në këtë sfidë./Fjala.al/K.T./
