Mbrëmjen e djeshme është luajtur ndeshja për Superkupën e Italisë ku ekipi i Lazios arriti që të fitonte me rezultatin 3-1 ndaj atij të Juventus.
“Zonja e Vjetër” nuk ka humbur asnjë takim përveç atyre me ekipin e të “Kaltërve”, të cilët i kanë fituar të dyja takimet e këtij viti me kampionët e Serisë A.
Për yllin portugez të Juventus, Crisëtiano Ronaldon kjo është humbja e parë e një kupe pas 12 finaleve të fituara radhazi.
Finalja e fundit e humbur nga Ronaldo ka qenë ajo e vitit 2014, por që nga ajo periudhë portugezi ka qenë protagonist në fitoren e tre Liga Kampionësh, tre Botërore Klubesh, dy Superkupa Europe, një Superkupë në Spanjë, një Supërkupë në Itali dhe Europianin e Ligën e Kombeve me Portugalinë.
Mbrëmja e djeshme ishte një zhgënjim shumë i madh për Cristiano Ronaldon, gjë që u vu re në momentin e marrjes së medaljes së vendit të dytë, të cilën ai e hoqi menjëherë duke e refuzuar atë pozicion brenda vetes.
Megjithatë, Lazio arriti që të shfaqte një formë shumë të mirë në takimin e mbrëmshëm dhe Superkupa Italisë dukej më shumë se e merituar./Përgatiti: Fjala.al/
