Krishtlindja është padiskutim festa më e bukur, ku të gjithë shkëmbejnë dhurata dhe janë të lumtur. Por ajo duket se është e gëzueshme edhe për kafshët… që mesaduket përfitojnë.
Kopshte të ndryshme zoologjike nëpër botë, për ta bërë sa më festive atmosferën e Krishtlindjes, kanë vendosur t’u bëjnë dhurata edhe kafshëve që mbajnë nëpër kafaze.
Dhuratat zakonisht përbëhen nga ushqimet që kafshët i preferojnë më shumë, të paketuara në forma të ndryshme, por ka edhe nga ato pako që janë sajuar më shumë në sens humori.
Por pjesa më e bukur e kësaj shfaqjeje është shpaketimi. Ai është një argëtim më vete për shikuesit, të cilët nuk kanë dashur t’i humbin këto skena festive.
Në kopshtet zoologjike që nga Franca, Gjermania, Kolumbia, e deri në Zelandën e Re, shfaqje të tilla me kafshët pëër Krishtlindje janë bërë tashmë të zakonshme, ku nuk mungojnë as rastet kur kafshëve u vjen vetë babagjyshi (punonjës i kopshtit zoologjik) dhe u sjell dhurata./Fjala.al/
