Paul Pogba ka oferta për tu bashkuar me disa nga klubet më të mira të momentit. Të interesuar për të janë skuadra të tilla si Real Madrid e Juventus.
Sipas teknikut Solskjaer, Pogba është një dëshirë e madhe e të dyja ekipeve, por shton edhe se do mbetet i tillë për një kohë shumë të gjatë.
“Është mesfushori më i mirë në botë. A do të rikthehet në fushë kundër Newcastle? Të shohim nëse është mirë. Mund ta hedhin në fushë edhe nga minuta e parë”-tha trajneri, i cili e hodhi në fushë për disa minuta gjatë në ndeshjen e fundit, atë kundër Watford.
Gjatë këtij sezoni, mesfushori është aktivizuar gjithsej vetëm në dy ndeshje, kjo për shkak të një dëmtimi të pësuar në kavilje.
Për Solskjaer, francez arrin të luaj në çdo pozicion të mesfushës dhe e cilëson si më të mirin në të gjithë botën.
“Pogba mund të luaj në çdo pozicion të mesfushës, kjo është e bukura të kesh Pogban në fushë pasi është mesfushori më i mirë në botë”.-u shpreh ai.
Trajneri i Manchester United shtoi se Pogba nuk është pjesë e listës së lojtarëve që do largohen gjatë kësaj merkatoje dhe ka shtuar se ai do mbyll këtë sezon te United, por ka thënë edhe se qëndrimi i tij i mëtejshëm te ky klub do të varet nëse skuadra do jetë pjesë e Ligës së Kampionëve./Përgatiti: Fjala.al/
