Uniformat blu të qytetit të Korçës, njoftojnë se kanë arrestuar katër persona të cilët u kapën në flagrancë me 4.6 kg lëndë narkotike, të llojit kanabissativa, në makinën tip “Peugeot”, me drejtues shtetasin E.T.
Tre prej të dyshuarve janë banorë të Xhafzotajt, ndërsa njëri në Tiranë. Materialet i kaluan Prokurorisë pranë Gjykatës së Shkallës së Parë Korçë, për veprën penale “Prodhimi dhe shitja e narkotikëve, kryer në bashkëpunim”.
Njoftimi policisë:
“Specialistët për Hetimin e Narkotikëve në Drejtorinë Vendore të Policisë Korçë, bënë arrestimin në flagrancë të shtetasve: A.J., 27 vjeç, banues në fshatin Xhafzotaj; Shijak, B.J., 32 vjeç, banues në Xhafzotaj, Shijak; H.U., 24 vjeç, banues në Xhafzotaj, Shijak; E.T., 28 vjeç, banues në Babrru, Tiranë.
Arrestimi i tyre u bë pasi, nga informacione të siguruara në rrugë policore, si edhe gjatë kontrollit që shërbimet e Policisë kanë ushtruar në hyrje të qytetit të Korçës, në mjetin tip “Peugeot”, me drejtues shtetasin E.T., me të cilin këta shtetas po udhëtonin, iu gjet dhe sekuestrua në cilësinë e provës materiale 4,6 kg lëndë e dyshuar narkotike kanabis.
Materialet i kaluan Prokurorisë pranë Gjykatës së Shkallës së Parë Korçë për veprën penale “Prodhimi dhe shitja e narkotikëve, kryer në bashkëpunim”./Fjala.al/
