Melanie Panayiotou ishte 55 vjeçe. Trupi iu gjet në apartamentin e saj në Londër nga motra e madhe, Yoda.
Saktësisht tre vjet pas vdekjes së George Michael në ditën e Krishtlindjes 2016, një tjetër mort ka shkatërruar familjen e këngëtarit. Në moshën 55-vjeçare, motra e tij Melanie Panayiotou u nda nga jeta, e gjetur e pajetë në banesën e saj në veri të Londrës.
Lajmin e ka shpërndarë motra e madhe, Yoda, e cila menjëherë ka thirrur urgjencën për të konstatuar vdekjen e gruas, e cila ndodhi në mungesë të rrethanave të dyshimta, të konstatuar nga policia. Siç raportohet nga “The Sun”, familja e Melanie, përmes avokatit të tyre John Reid, kërkoi respekt për privatësinë në një kohë kaq të dhimbshme.
George Michael vdiq në moshën 53 vjeç, nga shkaqe natyrale në shtëpinë e tij në Londër, më 25 dhjetor 2016: një rastësi që e bën edhe më shqetësuese vdekjen e motrës së tij për anëtarët e familjes.
Burimi Today.it
Përgatiti: L.Veizi/Fjala.al/
