Është mbyllur me barazimin 2-2 takimi midis Norwich City-t dhe Tottenham., duke mbyllur kështu javën e 20-të të Premier Ligës për të dyja skuadrat.
Ky takim ishte ndeshja e fundit e këtij viti, por edhe e dekadës për të dyja këto ekipe. Skuadra e trajnerit botërisht të njohur, Jose Mourinhos, Tottenham nuk ka arritur që të marrë një fitore minimale nga ky takim.
Ishte pikërisht Norwich i vendit të fundit të kategorisë, skuadra që ka zhbllokuar rezultatin duke shënuar në portën e Tottenham në minutën e 18-të. Pjesa e parë e takimit u mbyll me këtë rezultat për tu ndryshuar e gjitha gjatë fraksionit të dytë.
Christian Eriksen arriti që të barazonte rezultatin, duke shënuar për Tottenham në minutën e 55-të, rezultat i cili do të ndryshohej në minutën e 62 nga autogoli i Serge Aurier, duke dyfishuar rezultatin e Norwich City.
Për ekipin e Mourinhos, ndeshja e cila dukej si më e lehta e mundshme pasi përballë kishin ekipin vendit të fundit të kategorisë doli të ishte plot surpriza.
Rezultati u arrit që të barazohej nga goli i Harry Kane, i cili u realizua si rezultat i një penalltie në minutën e 83-të të lojës.
Takimi u mbyll me këto rezultate dhe Tottenham mundi që të mos rrëzohej nga Norwich, por doli me një barazim të vështirë./Përgatiti: Fjala.al/
