Klubi i Tiranës ka vendosur se Emauele Egbo do vijojë të jetë trajneri kryesor i klubit të Tiranës deri në fund të këtij sezoni.
Ky lajm është bërë publik nga faqja zyrtare e Tiranës në “Facebook”, ku bëhet me dije se 46-vjeçari, i cili deri pak javësh mbante postin e trajnerit të portierëve, do vijojë të mbajë detyrën që i është caktuar.
“Emanuel Egbo do të vijojë në krye të Tiranës. Trajneri bardheblu gëzon besimin e plotë të presidentit, klubit dhe skuadrës për të marrë zyrtarisht drejtimin.
Pas tre ndeshjeve me të në krye, klubi ka vendosur t’i besojë deri në përfundim të sezonit pankinën bardheblu. Një zgjedhje brenda familjes për të synuar objektivat sezonale. Egbo prej gjashtë vitesh është pjesë e stafit teknik të Tiranës ndërkohe që ka eksperiencën e duhur dhe kualifikimet përkatëse për të drejtuar skuadrën.”-shkruhet në reagimin e kryeqytetasve.
Kujtojmë që në tre ndeshjet e fundit Tirana ka arritur të marrë vetëm fitore dhe se në të gjitha këto takime bardheblutë ishin nën drejtimin e nigerianit.
Ishte pikërisht Egbo ai që solli shpresë të kryeqytetasit, duke u sjellë fitoren e derbit me Partizanin me rezultatin 2-1 pas plot pesë vitesh disfata./Përgatiti: Fjala.al/
