Një aksident i rëndë është regjistruar mëngjesin e sotëm, në aksin e rrugës që lidh qytetin e Elbasanit me ish-Kombinat Metalurgjikun.
Një autoveturë ka përplasur një person me biçikletë dhe si pasojë drejtuesi i saj ka mbetur i plagosur. I plagosuri fillimisht është dërguar me urgjencë në kirurgjikun e Elbasanit, por sipas mjekëve gjendja e tij ka qenë kritike dhe është nisur menjëherë në spitalin e Traumës në Tiranë.
Ndërkohë që policia po heton për sqarimin e rrethanave të aksidentit, dëshmitarët thonë se biçikleta i ka ndërprerë rrugën autoveturës dhe ka përfunduar jashtë rruge./Fjala.al
