Luksemburgu bëhet vendi i parë në botë ku transporti publik do të jetë falas, duke filluar që nga 1 marsi i këtij viti. Ky vendim i autoriteteve të e Luksemburgut është marrë në mënyrë që të ulet numri i veturave nëpër rrugë të këtij vendi, dhe në plan afatgjatë të ulë emetimin e gazrave të dëmshëm.
Kryebashkiakja e Luksemburgut, Lydieja Polfer ka shprehur pakënaqësinë që vjen nga shfrytëzimi i transportit publik, ndaj dhe heqja e kësaj tarife do të shtonte përdorimin e tij.
“Numri i njerëzve që shfrytëzon transportin publik nuk është në nivelin që dëshirojmë, prandaj kemi vendosur që ai të jetë falas. Shpresojmë që kjo të jetë një nga arsyet që njerëzit ta shfrytëzojnë më shumë transportin publik”, -deklaroi Lydieja Polfer.
Transporti publik deri më tani ka qenë pa pagesë ditën e shtunë dhe në disa ditë të tjera të caktuara. Autoritetet e Luksemburgut po ashtu kanë vendosur që deri në fund të vitit 2020 i gjithë transporti me autobusë në vend të jetë i bazuar në elektroenergji./Fjala.al
