Ish-trajneri i Kombëtares Shqiptare, Gianni de Biasi nuk ka rënë dakord me asnjë klub për të vazhduar eksperiencën e tij në rolin e teknikut të futbollit.
Mësohet se së fundmi italianit i ka ardhur ofertë nga Irani për t’u vendosur në krye të klubit të Esteghalit, skuadër e cila më parë ka pasur në stol menaxherin Andrea Strmaçioni.
Trajneri i cili drejtoi përfaqësuesen shqiptare dhe arriti performancën më të mirë të saj ka thënë se arabishtja është pak e vështirë, por nuk ka harruar ta vlerësoj këtë ofertë.
Ai theksoi në komunikimin me mediet se ka refuzuar një sërë ofertash nga kampionati italian, përfshirë këtu edhe nga Seria A, që është kategoria kryesore e futbollit në vendin fqinj.
“Arabishtja është e vështirë dhe nuk e di. Nuk kemi folur por ka interesim. Më kanë propozuar një ofertë dhe do ta vlerësoj. Kam pasur oferta edhe nga Seria A dhe Seria B, por kam preferuar të them jo për ato.
Kampionati po bëhet interesant kur ka më shumë pretendentë siç është Interi. Duhet të shoh si do të përfundojë edhe Lacio që po bën shumë mirë. Është kundër Juventusit duke menduar se ka fituar dy ndeshje shumë afër njëra-tjetrës”,- u shpreh De Biasi./Përgatiti: Fjala.al/
