Shkëlzen Gashi do të rikthehet në Evropë, kjo gjë u vendos pas 9 muajsh që futbollisti ishte pa skuadër që nga prishja e kontratës me Colorado Rapids.
Ai do të luajë tashmë në Zvicër te skuadra e Aarau, që konkurron në kategorinë e dytë të futbollit në këtë vend.
Shqiptari firmosi një kontratë 3-vjeçare që mbaron në 30 qershor të vitit 2023. Kujtojmë se ai ka luajtur më skuadrën e Aarau 1 vit e gjysmë nga janari i vitit 2011 deri në qershor të 2012-ës.
Në këtë periudhë Shkëlzen Gashi ka pasur rezultate goxha të mira duke shënuar 23 gola e dhënë 19 asiste në 44 takime.
Rikthimi i Gashit është shumë i rëndësishëm për skuadrën zvicerane, pasi kërkohet që të rikthehen rezultatet e larta të periudhës kur ai luante për ta. 31-vjeçari shqiptar kërkon të rikthehet në formën e tij./Përgatiti: Fjala.al/
