Vrasja e gjeneralit të Iranit, Qasem Soleimani, nga një sulm me dron i Shteteve të Bashkuara të Amerikës ka sjell një sërë reagimesh të superfuqive botërore, megjithatë Britania e Madhe kishte qëndruar në heshtje deri më tani.
Ministri i jashtëm britanik, Dominic Raab, e ka quajtur të drejtë ekzekutimin e gjeneralit më të lartë të ushtrisë së Irakut nga SHBA-të.
Ky reagim i Raab sjell një ndryshim të qëndrimit të Mbretërisë së Bashkuar në lidhje më këtë çështje.
Kryediplomati u shpreh se Britani e kupton pozicionin në të cilin ndodhej Presidenti i SHBA-ve Donald Trump, në momentin që mori vendim për ekzekutimin e gjeneralit iranian dhe shtoi se ishte i detyruar për një mbrojtje të vendit të tij.
Ky reagim i Raab erdhi pas kritikave të sekretarit amerikan të shtetit, Mike Pompeo, i cili deklaroi se Gjermania, Franca e Britania e Madhe nuk kanë qenë mjaftueshëm të dobishme në këtë çështje.
Raab refuzoi që ta dënonte kërcënimin e Donald Trump për bombardimin e 52 caqeve iraniane në rast se Tehrani do të sulmonte asetet e SHBA-ve.
Kryediplomati britanik po ashtu tha se amerikanët janë përpjekur të dërgojnë një mesazh të qartë për Iranin që nuk mund ta vazhdojë sjelljen armiqësore, raporton “Indipendent”./Fjala.al/
