Një dukuri e çuditshme duket se ka nisur së fundmi, ku tifozët janë duke shkatërruar statujat e yjeve të futbollit
Disa ditë më parë dyshohet se tifozët e Malmos shkatërruan statujën e Zlatan Ibrahimovic, kjo për shkak sepse sulmuesi 38-vjeçar i Milan vendosi që të blejë një pjesë të aksioneve të kundërshtarëve të tyre, Hammarby.
Mbështetësit e Malmos duket se u revoltuan nga ky veprim i suedezit, duke rikujtuar se ka qenë ky klub që i solli famë Ibras, dhe filluan ta demolonin statujën e tij duke i hedhur një qese në kokë dhe një pjesë të tualetit. Ndërsa, në një sulm të dytë në fund të vitit statuja e tij u thye dhe u rrëzua përtokë.
Duket se Ibra nuk është i vetmi që është përballur me një situatë të tillë, pasi edhe statuja e Alexis Sanches, e cila ndodhet e vendosur në qytetin e tij të lindjes Tocopilla të Kilit është dëmtuar.
Statuja në nder të lojtarit kilian që u ndërtua në vitin 2017 është demoluar pjesërisht, por ende nuk dihen arsyet se pse ndodhi një gjë e tillë./Fjala.al/