Një pritë në derën e shtëpisë për pak sa nuk i ka marrë jetën ish futbollistit të njohur Darko Kovaçeviç. Autorët e sulmit kanë mundur të largohen në errësirë dhe më pas të djegin edhe mjetin me të cilin realizuan atentatin. Për fat ish-futbollisti ka mundur të shpëtojë për mrekulli, por policia ende nuk ka asnjë të dhënë mbi atentatorët.
Mediat vendase mbrëmë kanë lajmëruar se një ngjarje e rëndë ka ndodhur në Greqi, duke i shkaktuar momente tmerri ish-sulmuesit të Juventusit, Darko Kovaçeviç. Mediet fqinje raportojnë se ish-sulmuesi është qëlluar me armë zjarri pranë shtëpisë së tij në Glyfada.
Ngjarja ka ndodhur rreth orës 21:00 të së martës. Sipas mediave greke, 46-vjeçari serb sapo mbërriti në shtëpi, kur një automjet ndaloi dhe një person nisi të qëllojë në drejtim të ish-futbollistit, i cili arriti të fshihej, me dhimbje në gju. Ai u transportua menjëherë në spital, por pa lëndime serioze.
Autori u largua menjëherë me makinë, e cila u gjet pranë aeroportit e djegur. Kovaçeviç ka qenë pjesë e Olympiakos si futbollist, por edhe trajner, ndërsa së fundmi ka mbajtur edhe postim e drejtorit sportive te Serbia. Fjala.al/
