Ambasadori italian Alberto Cutilo do të zëvendësohet nga një tjetër diplomat, Fabrizio Bucci, i cili është i përzgjedhur nga qeveria italiane për të marrë detyrën në Shqipëri.
Fabrizio Bucci ka zgjedhur që në këtë ditë të parë të punës në Tiranë të përcjellë edhe një mesazh, ku është shprehur se e presin muaj me aktivitete dhe angazhime të shumta për të forcuar marrëdhëniet midis Italisë dhe Shqipërisë.
“Menjëherë në punë për Sistemin Italian në Shqipëri, na presin muaj me aktivitete dhe angazhime të shumta për të forcuar marrëdhëniet midis dy Vendesh që kanë qenë gjithmonë të veçantë për njëri-tjetrin.” tha Bucci.
Lajmin e ka bërë të ditur Ambasada e Italisë në Shqipëri ku i ka uruar edhe mirëseardhjen ambasadorit.
“I urojmë mirëseardhjen Ambasadorit të ri të Italisë në Tiranë, Fabrizio Bucci!” shkruan Ambasada italiane në Tiranë.
