Spitalet thuajse në të gjithë botën kanë nevojë për gjak. Njerëzit shpeshherë ngurojnë të dhurojnë ndaj shkencëtarët janë të detyruar që të gjejnë zgjidhje alternative.
Megjithëse duket e pabesueshme, mësojmë se gjaku artificial është krijuar nga disa studiues japonezë, veçanërisht nga Kolegji Mjekësor i Mbrojtjes Kombëtare
Gjaku mund të injektohet tek pacientët pavarësisht nga grupi i gjakut që mund të ketë pacienti. Kjo do të jetë një ndihmë shtesë për personat që kanë nevojë urgjente për gjak.
Një ekip shkencëtarësh është përgjegjës për krijimin e gjakut artificial, duke deklaruar se gjaku është provuar efektiv gjatë eksperimenteve mbi lepujt.
Për aplikimet njerëzore, gjaku artificial mund të zgjidhë lehtësisht problemin e identifikimit të llojeve të gjakut gjatë emergjencave. Gjaku artificial i ekipit përfshin trombocitet dhe qelizat e kuqe të gjakut.
Çdo element futet brenda liposomeve të marra nga membrana qelizore për të parandaluar gjakderdhjen dhe transferimin e oksigjenit.
Gjaku artificial mund të ruhet për më shumë se një vit. Në zona të largëta, është shumë e vështirë të merret një sasi e madhe gjaku për transfuzione. Kur 10 lepuj që vuanin nga humbja serioze e gjakut u testuan me gjak artificial, gjashtë nga lepujt mbijetuan. Gjithashtu, nuk u raportuan për efekte anësore të tilla si koagulimi i gjakut ose mpiksja e tij.
