Këto janë çastet kur avioni ukrainas është rrëzuar dhe se si është shkrumbuar çdo gjë nga Boeing 737.
Avioni u rrëzua menjëherë pak pas ngritjes në fluturim nga aeroporti Imam Khomeini duke bërë që të humbasin jetën të 176 personat që ishin në bord.
Avioni po udhëtonte drejt Kievit në momentin e rrëzimit, ndërkaq është i paqartë se nëse incidenti është i lidhur me konfrontimin Iran-SHBA.
Sipas ambasadës së Ukrainës shkak ka qenë defekti në motor dhe jo një akt i mundshëm terrorist.
Ndërkaq, presidenti ukrainas, Volodymyr Zelensky ka konfirmuar se të gjithë pasagjerët dhe ekuipazhi në bordin e Boeing 737 kanë ndërruar jetë si pasojë e rrëzimit të avionit me të cilin po udhëtonin.
“Sipas informacionit paraprak, të gjithë pasagjerët dhe anëtarët e ekuipazhit kanë humbur jetën. Ambasada jonë po punon për të sqaruar rrethanat e tragjedisë dhe listën e pasagjerëve të vdekur. Ngushëllimet e mia të sinqerta për familjet dhe të dashurit të të gjithë pasagjerëve dhe anëtarëve të ekuipazhit”, shkruan Zelensky./Fjala.al/
